Халзанов, Барас Цыретарович
Барас Цыретарович Халзанов (1938—1993) хадаа Сэлэнгын аймагай Жаргаланта нютагта түрэhэн юм. «Красная Селенга», «Буряад-Монголой Үнэн» гэhэн сонинууд соо шүлэгүүдынь гарадаг байгаа.
hургуулияа дүүргээд, Банзаровай нэрэмжэтэй Буряадай багшанарай институдта буряад хэлэ бэшэгэй факультедтэ hурахаяа ороо. Энэ үедэ киногоор hонирхожо эхилээ, киносценари бэшэжэ туршадаг болоhон байна. Хоёрдохи курсын hүүлээр Москва ошожо, ВГИК-тэ hурахаяа ороо. Эндэ мэдээжэ Александр Столперой hурагша байhан.
«Белая лошадь» гэhэн кино дипломно ажалынь боложо үгөө. hүүлээрнь өөрынгөө сценаряар «Последний угон» гэhэн кино буулгаа. Тус кино Буряад Орондо буулгагдаhан байна. Эндэ Буряад Драмын Театрай артистнар наадаа.
1967 ондо дээдэ hургуулияа дүүргэжэ, Свердловск хотын киностудида ажаллахаяа ороо. Эндэ олонхи кинонуудаа буулгаhан байна. Эдэнэй тоодо «Кочующий фронт», «Открытие», «Горький можжевельник», «В ночь лунного затмения», Нет чужой земли» болон «Батожабай» гэhэн документальна кино.
hаяхана «Сагаан Морин» гэhэн кинотеатр соо «Горький можжевельник» гэhэн кино харуулаа. Тус кино мэдээжэ буряад кинорежиссёр Барас Халзанов 1985 ондо буулгаhан байна. «Горький можжевельник» гэhэн кино соо Пётр Абашеев, Майдари Жапхандаев, Бэликто Дашиев, Александр Барлуков, Марина Степанова, Баярто Дамбаев гэгшэд наадаhан байна.
