Копенһаген

Сүлөөтэ Нэбтэрхэй Толи — Википеэдиһээ
Перейти к навигации Перейти к поиску
Копенһаген хото
—  Хото  —
København

Һүлдэ тэмдэг
Улас орон  Дани
Аймаг Һоведстаден
Газар нютаг 86,40 км²[1]
Хүн зон 601 448[2]
Нягтарал 6214,7 хүн/км²
Сахим газар kk.dk

Копенһаген (даняар København [kʰøb̥ənˈhaʊ̯ˀn]) гээшэ Даниин ниислэл хото болон эгээн томо хото юм. Слотсһольмен, Амагер ба Зеланд аралнуудта байрлана. Копенһаген хото 763 908 (2016 оной 12 һарын байдалаар) ажаһуугшадтай, тэрэ тооһоо 601 448 хүн Копенһаген нютагай байгууламжада ажамидарна.[3][2]

Копенһаген хадаа Даниин соёлой, эдэй засагай ба засаг захиргаанай түб мүн; Копенһагенай хүрэнгын биржэтэйгээ Хойто Европын эгээн томо санхүүгэй түб юм. Копенһагенай эдэй засаг үйлэшэлгын хэлтэстэ (илангаяа мэдээсэлэй технологи, эм зүй ба сэбэр технологидо һанаашалгын замаар) түргөөр хүгжэнхэй. Эресуннай хүүргын барихын һүүлдэ Копенһаген Швециин Сконе можотой ба Мальмо гэжэ тэрэнэй ниислэл хототой үлүү нэгэдэһэн болобо.

Копенһагенай нэгэ хэһэг болохо Христиани сүлөөтэ хото өөрынгөө засаглалтай байна. 1479 ондо байгуулһан Копенһагенай ехэ һургуули Даниин эгээн хуушан ехэ һургуули юм.

Түүхэ[заһабарилха | үндэһэн бэшэгые заһабарилха]

1167 ондо Роскиллегэй епископ байһан Аскалон Копенһагенэй буланда байрлаһан бишыхан аралда Кристиансборг ордониие байгуулба. 1186 ондо III Урбан папа эльгэһэн захидалда тэмдэглэһэн газар уһанай тээбэриин түб болоһоншье һаа, XIII зуун жэлдэ Һанза холбооной добтолһон байгаа.

1254 ондо Якоб Эрлансен епископ хотын зэргэдэ үргээд, 1330-аад оной дунда эгээн эхин газарай сэгнэлтэ гараба. 1416 оной оршом Помераниин Эрих хаан Копенһагениие Даниин ниислэл хото болгобо. 1479 ондо I Кристиан хаан Копенһагенай ехэ һургуулиие байгуулба.

Хоёрдугаар хойто дайнай үедэ 1658 онһоо 1659 оной хүрэтэр X Карл хаанай ударидаһан Швециин сэрэгэй добтолһон байна. 1801 ондо Һайд Паркерай ударидаһан Ехэ Британиин далайн сэрэгэй добтолжо, 1807 ондо Һорацио Нельсоной ударидаһан Ехэ Британиин далайн сэрэгэй добтолһон байгаа. 1850 ондо хотые хүреэлһэн хэрэмые үгы болгобо. Дэлхэйн хоёрдугаар дайнай үедэ 1940 онһоо 1945 оной хүрэтэр Нацис Германиин эзэмдэлгэ доро байгаа.

Газар зүй[заһабарилха | үндэһэн бэшэгые заһабарилха]

Копенһаген Зеланд аралай (Sjælland) зүүн зүгтэ эрье дээрэ байрлажа, нэгэ хэһэгынь Копенһагенай ойродо Амагер аралда байрлана. Копенһагенай зүүн зүгтэ Даниие Швециһээ тусгаарладаг Эресунн хоолойн эрьедэ байрлана. Копенһагенһаа шууд хоолойн нүгөө талада Швециин Мальмо ба Ландскруна байрлана. Копенһаген болон Мальмо хоорондо 2000 ондо нээгдэһэн Эресунн хүүргэ байдаг.

Копенһаген болон Данида байрладаг Зеланд арал, Лолланн арал, Фальстер арал, Борнһольм арал Швецида байдаг Сконетой холбоодог Эресунн нютагай нэгэ хэһэг юм. Копенһагенда байдаг Нуһавнда байдаг олон яхта ба турис онгосо ябана.

Спорт тамир[заһабарилха | үндэһэн бэшэгые заһабарилха]

Копенһагента хэдэн спортын багууд түблэрнэ:

  • ФК Копенһаген – Даниин абарга (1993, 2001, 2003, 2004, 2006, 2007, 2009, 2010 ба 2011), Даниин кубок илагша (1995, 1997, 2004 ба 2009) ба Даниин суперкубок илагша (1995, 2001, 2004)[4]
  • Брондбю ИФ – Даниин абарга (1985, 1987, 1988, 1990, 1991, 1996, 1997, 1998, 2002 ба 2005) болон Даниин кубок илагша (1989, 1994, 1998, 2003, 2005 und 2008)

Тэрэнэй гадна мүльһэнэй хоккей, һандбол багууд бии.

Зүүлтэ[заһабарилха | үндэһэн бэшэгые заһабарилха]

  1. ARE207: Area by region. Statistics Denmark (Январь 2016). 2016-8-6 үдэртэ хандаһан.
  2. 2,0 2,1 https://www.dst.dk/en/Statistik/emner/befolkning-og-befolkningsfremskrivning
  3. http://www.dst.dk/da/Statistik/dokumentation/Nomenklaturer/NUTS
  4. ФК Копенһаген: Klubfakta (даняар)