Манила

Сүлөөтэ Нэбтэрхэй Толи — Википеэдиһээ
Шууд ошохо: тамаралга, хайха
Манила хото
—  хото  —
тагалогоор Maynila

Һүлдэ туг

Һүлдэ тэмдэг
Метро Манила дотор Манила хото
Улас орон Филиппин Филиппина
Можо Ниислэл хотын нютаг
Хото Манила
Газар нютаг 38,55 км²
Хүн зон 1 660 714 (2007)
Нягтарал 43 079 хүн/км²
Сахим газар manila.gov.ph

Манила (тагалогоор Maynila), эгээн томо хото болон Филиппинын ниислэл хото, нэгэн хотодо нэгэдэһэн хотонуудһаа бүридэһэн (Манила, Кесон-Сити, Калокан, Пасей, Макати) Ехэ Манила гэһэн бөөгнэрэлэй түб; 1976 онһоо Филиппинын албан еһоор ниислэл хото юм.

Манилын хүн зониинь 1 660 714 ажаһуугшад (2007), Метро-Манилын хүн зониинь — 11 855 975 ажаһуугшад (2010). Метро-Манилын талмайнь 638,55 км². Уһанай боомтотой, Ниной Акино уласхоорондын ниидэхэ онгосын буудалтай.

Томо ажаүйлэдбэриин түб, тус хотодо гүрэнэйнгөө ажаүйлэдбэриин 2/3 үйлэдбэринүүд байрлана, эндэ болбосоруулха ажаүйлэдбэридэ хүдэлдэг ажалшадай хахад ажаллана. Гол һалбаринууд хадаа нэхэмэл, гуталай, тамхиин, хэблэлэй, хүнэһэнэй, модо болбосоруулха, химиин, электромашина бүтээлгын ажаүйлэдбэри.

Соёлой болон эрдэм ухаанай түб: Үндэһэтэнэй эрдэм ухаанай болон техникын хүреэлэн, Манилын ехэ һургуули, Филиппинын ехэ һургуули, Технологиин ехэ һургуули, Санто-Томас ехэ һургуули (1611), Үндэһэтэнэй номой сан, Үндэһэтэнэй музей, Айяла музей, уралигай музей, Манилын музей болон номой сан, Геологиин музей, планетари, Филиппинын соёлой түб, Метрополитен-театр, Арадай уралигай театр, Зоологиин болон Ботаникын сэсэрлиг, Рисалиин парк.

̪Хото анха 1571 ондо Мейнила нэрэтэй лалын һуурин байһан Пасиг гол Манилын буланда шудхадаг газар дээрэ Мигель Легаспи испаниин конкистадорнорой барижа эхилбэ. Пасигай урда эрьедэ Интрамурос бэхилэлтэ баригдаһан, мүнөө үедэ ниислэлэй хороонуудай нэгэн болобо. 1942—1945 оной хоорондо Манила хото һандааба. 1960—70-оод онуудта ниислэлэй олон түүхын дурасхалнуудые заһажа баряа.

Зүүлтэ[заһабарилха | үндэһэн бэшэгые заһабарилха]