Надежда Гармаева

Сүлөөтэ Нэбтэрхэй Толи — Википеэдиһээ
Перейти к навигации Перейти к поиску

Надежда Доржиевна Гармаева (Шагдурова) — Буряадай уран зохёолшо, 1994 онhоо Орос Уласай Уран зохёолшодой холбооной гэшүүн юм.

Тэрэ Захааминай аймагай Мэлэ hууринда 1959 ондо түрөө. Закаменск хотын 1-хи дунда һургуули дүүргээ. 1983 ондо М. Горькиин нэрэмжэтэ Литературна институт түгэсхөө. Мэдээжэ уран зохёолшодой Г. Баклановой, Ю. Бондаревой болон А. Прохановой прозын семинарта хабаададаг байгаа. «Буряад үнэн», «Ажалай туг» сонинуудта олон жэлдэ хүдэлөө. Мүнөө «Байгал» сэтгүүлэй харюусалгата секретарь, Буряадай Уран зохёолшодой холбооной правлениин харюусалгата секретарь юм.

Шүлэгүүдынь, рассказуудынь уласай сэтгүүлнүүд, сонинуудта, хамтын согсолборинуудта толилогдодог. Республикын залуу уран зохёолшодой конференцинүүдтэ оло дахин хабаадаа.