Рембрандт

Рембрандт
Rembrandt Harmenszoon van Rijn
Ажал үйлэ:	зурааша, уран барилгаша, уран барималша
Түрэһэн үдэр:	1606 оной 7 һарын 15(1606-07-15)
Түрэһэн газар:	Лейден, Нидерланд
Эрхэтэнэй харьяалал:	Республика Соединённых провинций[d]
Наһа бараһан үдэр:	1669 оной 10 һарын 4(1669-10-04) (63 наһатай)
Наһа бараһан газар:	Амстердам, Нидерланд
Һургалта:	Лейдэн дээдэ һургуули, Якоб ван Сваненбург
Ажал хэһэн саг:	Нидерландын алтан үе, барокко
Гарай үзэг:

Рембрандт Харменс ван Рейн (Нидерл. Rembrandt Harmenszoon van Rijn) — XVII зуун жэлэй үедэ амидарһан Голландиин агууехэ уран зурааша. Рембрандт ван Рейн болбол бүхэ дэлхэйн дүрсэлхэ уралигай түүхэдэ яаха аргагүй нэрэ хүндэтэй байра һууриие эзэлдэг гайхамшагтай зурааша мүн.

Тэрэнэй бүтээһэн бүтээлнүүд уран һайхан түүхын һодо бүтээл болон саг хугасаа үнгэрхэ тусам үнэ улам бүри нэмэгдэжэ, алдар нэрэнь суурайтһаар лэ байна. Рембрандт болбол 1606 ондо Лейден хотодо түрөө һэн. Рембрандтын эсэгэ тээрмэшэн байгаа, эхэнь — хилээмэ баридаг хүнэй басаган бэлэй. Рембрандтын 20—25 наһатайдаа зураһан эртынь зурагуудые харахада, уран зураашын үндэр дээдэ гэгдэдэг Италиин уран зураашадые һажаадагүй, юрын байдал харуулдаг зураашадые дахадаггүй байһаниинь элирнэ.

Испаниин булаан эзэмдэлгэдэ эсэргүү байгуулһан габъяаных түлөө Лейден хотын хондо барижа үгэһэн һургуулида Рембрандт 14 наһатайдаа ороо. Эртын һунгадаг эди шэдитэй юртэмсэтэй хэрэнээ хүн амын тэн хагас үлэсхэлэнгэй аман дээрэ тулаад байһан залуу зураашад маша хүсэнтэй сэдьхэгдэл тэрүүлһэн байна.

Бүри хорёод онуудта Лейдендэ байхада Рембрандт техникын талаар эрхим бэшэшье һаа, залуу уран зураашын хүнэй зосоохиие харуулхаа эрмэлзэлэтынь гэршэлмээр хэдэ хэдэн зурагуудые зураа һэн. Тэрэнэй «Мэдэлшэ Валаам», «Мүнгэ бусаажа байһан Иуда», «Хаалтада һууһан апостол Павел» болон бусад иимэ түхэлэй зурагуудта хабаатай байна.

1632 ондо Амстердам зөөжэ ошоходоо, Рембрандт удангүй гол түлэб хүрэг зурагуудые зуража суурхаһан байна. Дэлхэйн уралигай томохон түб болоһон Голландиин ниислэл Амстердам хотодо хахад жэл хэртэй ажаллажа амидарһан Рембрандт уралигай шэнэ туйлалтаһаа хүртэхэдэ ехээхэн түлхисэ болобо. Энэ үеэһөө эхилэн эртын Грек, Рома, библиин домогуудые үлүү сэдьхэл хүдэлэлэй амиды шэнжэтэй болгохоор эрмэлзэн амидаралай жижиг сажиг зүйлнүүдээр баяжуулхын һасуу хамагай гол хүнэй зан шанарые гайхалтай гүн гүнзэгы тусган харуулжа эхилээ.

Дүшөөд онуудай эхинһээ Рембрандтын бүтээл ехэхэн хубилалта болоно. «Һүниин харуул» (1642) гэжэ зураг соогоо Голландиин эрхэтэнэй дундаһаа түрүү зониие харуулдха гэжэ оролдоһон. Энэ үедэ Саксия һамганиинь наһа баража, бүри гансаардаад, үгыржэ эхилээ бэлэй.

Галерей

• 
  «Галилей далайн шуурганай үедэ Христос» (1633).
• 
  «Балтазарын найр» (1635)
• 
  «Даная» (1636—1643).
• 
  «Һүниин харуул» (1642).

Холбооһон

• Энэ хуудаһан Рембрандт гэһэн Викимедиа сангай ангилал холбооһотой.