ЮНЕСКО
Нэгэдэһэн Үндэһэтэнэй Байгуулгын болбосоролой, эрдэм ухаанай ба соёлой эмхи (ЮНЕСКО) хадаа засагай газар хоорондын эмхи, НҮБ-эй тусхай агентлиг. ЮНЕСКО-гой дүрим эмхиин үндэһэлэлгын хуралдаанда (1945 оной 11 һара) зохёогдожо, 1946 оной 11 һарын 4-дэ хүсэндөө ороһон байна.
ЮНЕСКО хадаа НҮБ-ын Дүримэй ёһоор арһанай үнгэ, хүйһэ, хэлэн, шажан илгаруулангүйгөөр хүнэй эрхэ, үндэһэн эрхэ сүлөө, шударга ёһо, хуулиин дүримые ниитэ хүн түрэлхитэнэй эрхэ ашагай түлөө хүндэдхэн, болбосорол, эрдэм ухаан, соёл, мэдээсэл, харилсаа холбооной һалбаряар дамжуулжа, уласхоорондын хамтын ажаллалгые бэхижүүлжэ дэлхэйдэ энхэ тайбан, аюулгүй байдал тогтоохо зорилготой.[1]
Дэлхэйн хоёрдугаар дайнай һүжэрһэн үедэ 1942 ондо фашис Германитай тэмсэжэ байһан холбоото уласуудай болбосоролой сайдууд Ехэ Британида сугларжа, дайнай һүүлдэ болбосоролой системые яажа һэргээхэ тухай хэлсэһэниинь мүнөө үеын ЮНЕСКО-гой һуури табиһан гэжэ үзэдэг. Тус хуралдаан дайнай жэлнүүдтэ ходо үнгэргэгдэжэ, түүхэдэ «Холбоотон Уласай болбосоролой сайдуудай хуралдаан» гэжэ бүридхэгдэнхэй. Түрүүшын уулзалгада болбосорол тухай хэлсэһэн сайдууд һүүлдэнь соёл тухай баһал хэлсэжэ эхилһэн тула Ехэ Британиин ниислэл Лондон хотодо сугларжа, 1945 оной 11 һарын 1-16 хоорондо НҮБ-эй Болбосоролой болон Соёлой эмхи (ЮНЕКО) байгуулба. Дайнай эсэстэ дүшөөд гүрэнэй түлөөлэгшэд сугларжа, үшөө нэгэ дэлхэйн дайные дахин дэгдээхэгүйн түлөө хүн түрэлтэнэй оюун ухаан, ёһо һуртахуунай эб нэгэдэлые элирүүлхэ «энхэ тайбангай соёлые тариха» шэнэ байгуулгатай болохые зориһон.[1]
Зүүлтэ
[Заһаха | үндэһэн бэшэгые заһабарилха]- ↑ 1,0 1,1 ЮНЕСКО-ийн тухай (mn). ЮНЕСКО-ийн Монголын үндэсний комисс.