Версалиин хэрээ
Версалиин хэрээ — 1914—1918 онуудта болоһон Дэлхэйн нэгэдүгээр дайниие эсэслэһэн уласхоорондын хэрээнүүд. Эдэ хэрээнүүдые нэгэ талаһаа Ехэ Британи, Франци, Итали болоод холбоотонтойгоо, нүгөө талараа Германи, Австри, Унгар баталһан байнад. Версаль гэжэ хотодо (6 һарын 28, 1919 он) Германитай, Сен-Жермендэ (9 һарын 10, 1919 ондо) Австритай, Трианондо (6 һарын 4, 1919 ондо) Унгартай, Нейдэ (11 һарын 27, 1919 ондо) Болгаритай ба Севрдэ (8 һарын 10, 1920 ондо) Түрэгтэй хэһэн байна.
Версальска хэрээгэй ёһоор Германи болбол урид буляан абаһан газарнуудаа ба колонинуудаа диилэгшэ гүрэнүүдтэ бусаажа үгэхэһөө гадна сэрэгэй хүсэ зэбсэг бэлэдхэ, бариха эрхээ хизаарлагдаба. Гэбэшье, Германида хубисхал тэмсэхэ тула сэрэгэй-сагдаагай хүсэнүүд үгтэһэн юм. Эдэ хэрээнүүдэй ёһоор олон уласуудай хилэ хизаарнууд һэлэгдэн, Европын карта нилээд ондоо болобо. Диилэгшэ гүрэнүүд болбол уласхоорондын бүхы системые эдэ хэрээнүүдые баримталан тогтоохо һэдэлгэтэй байгаа. Теэд, эна һэдэлгэнь шэнээр тогтоһон байдалые хангаажа шадаагүйһөө гадна, империалис зүршэлдөөнүүдые үшөө үлүүгээр шангаруулжа, шанэ дайн дажарые алгасашагүй үүдхэхэ болобо.[1]
Зүүлтэ
[Заһаха | үндэһэн бэшэгые заһабарилха]- ↑ Абашеев Д.А. (1941). Военно-политическэ терминүүдэй хуряангы словарь (буряад хэлээр). Улаан-Үдэ: Бурят-монгол гүрэнэй хэблэл, 33-34.