Киото

Киото хото ᠻᠢᠣᠲᠣ ᠬᠣᠲᠠ
—  Засагай газарай захиралтаар тэмдэглэһэн хото  —
японоор 京都市
Һүлдэ туг Һүлдэ тэмдэг
Улас орон	Япон
Бүһэ нютаг	Кансай
Газар нютаг	827,90 км²
Хүн зон	1 469 848 хүн
Нягтарал	1775,39 хүн/км²
Сахим газар	city.kyoto.jp (япон)

Киото (японоор 京都 (きょうと), Кёото), Японой Хонсю аралай түб хэһэгтэ оршодог хото, гүрэнэй шухала эдэй засагай, түүхын ба соёлой түб мүн. Һубагаар холбоотой Бива нуурһаа 10 км зайда, Ямасира һаба газарта байрлана. Киото можын засаг захиргаанай түб. 1 469 мянган оршом хүн зонтой (2014). Тээбэриин узуулбари. 792‒794 оной хоорондо байгууланхай болон 794‒1192 ондо Хэйан-кё (японоор 平安京 (へいあんきょう)) нэрэтэй байгаа. Киото 794 онһоо 1868 он хүрэтэр Японой эзэн хаанай ниислэл хото байһан болон одоо Осака-Кобе-Киото метрополи бүһын шухала хэһэг юм.

Лакаар будаһан ба хүрэлэй бүтэгдэхүүнэй, шаазанай, байгаалиин торгоной, хадхамалай ба шүтэлгын бүтээлнүүдэй хуушан уламжалалта дархалалгын үйлэдбэриин түб. Ажаүйлэдбэриин гол һалбаринууд: сахилгаанай ба хүдөө ажахын машина бүтээлгэ, үнгэтэ түмэрлиг, бүдэй, оёмолой, химиин, шэл-шаазанай ба хүнэһэнэй үйлэдбэринүүд.

Киото Японой соёл уралиг, болбосорол, технологиин түбүүдэй нэгэн болон Японой хоёрдохи хуушан ехэ һургуули болохо Киотогой ехэ һургуули оршоно. Киотогой зарим барилга байгууламжанууд ЮНЕСКО-гой Дэлхэйн үбын жагсаалтада ороһон байна. Үндэһэтэнэй музей, Оршон үеын уран һайханай галерей, бүдэй музей, «Нисидзин» музей. Ургамалай баян суглуулбаритай ботаникын сэсэрлиг. Уласхоорондын туризмын түб.