Морихиро Ивата
| Морихиро Ивата | |
| Түрэһэн үдэр: |
1970 оной 10 һарын 6 (53 наһатай) |
|---|---|
| Түрэһэн газар: | |
| Эрхэтэнэй харьяалал: | |
Морихиро Ивата (японоор 岩田 守弘, いわた もりひろ) — Япон ба Оросой хатарша-балерон, хореограф. Оросой Ехэ театрын соло-хатаршан (1996—2012). Гомбо Цыдынжаповай нэрэмжэтэ Буряадай гүрэнэй оперо болон баледэй театрын баледэй бүлэгэй захирал (2012 онһоо). Олон тоогой баледэй мүрысөөнүүдэй илагша. Оросой, Японой засагай газарай шагналаар шардуулба.
Намтар[Заһаха | үндэһэн бэшэгые заһабарилха]
Японой Канагава можын Йокоһама хотодо түрэбэ. 1979 онһоо Ивата баледэй һургуулида һураба. 1988 ондо Бүхыяпон баледэй мүрысөөндэ түрүүшын һуури эзэлбэ[1]. 1988 онһоо 2 жэлэй турша Зүблэлтэ баледэй академида һураба. 1990 онһоо Москвагай гүрэнэй баледэй академида Александр Бондаренкогой ударидалга доро һураба[2]. 1991 ондо Джексоной уласхоорондын мүрысөөндэ 3-дахи һуури эзэлбэ (Jackson International Ballet Competition). 1991 ондо Оросой гүрэнэй баледэй труппада элсэбэ[3]. 1992 ондо Пермиин балеронуудай мүрысөөндэ гран-при абаба. 1995 ондо соло-хатаршанай хубида Москвагай уласхоорондын баледэй мүрысөөндэ алтан медаль абаба. 1995 ондо Ехэ театрын стажер болоод, 1996 онһоо соло-хатаршан, 2003 онһоо — ахамад соло-хатаршан (энэ зэргэтэй болоһон түрүүшын хари эрхэтэн). 2001 ондо Джорджа Баланчинай нэрэмжэтэ мүрысөөндэ гран при абаба. 2011 ондо Ехэ театрта 17-жэлэй карьерэеэ дүүргэжэ[4]; 2012 оной 7 һарада тэндэ һүүлшын концертые үгэбэ[5]. 2012 оной 9 һарада Гомбо Цыдынжаповай нэрэмжэтэ Буряадай гүрэнэй оперо болон баледэй театрын баледэй бүлэгэй захирал болобо[6]. Утань — 166 см.
Зүүлтэ[Заһаха | үндэһэн бэшэгые заһабарилха]
- ↑ 「時代を駆ける：岩田守弘：MORIHIRO IWATA (1)」 『毎日新聞』 2010年2月15日、13版、5面。(яп.)
- ↑ 「時代を駆ける：岩田守弘：MORIHIRO IWATA (5)」 『毎日新聞』 2010年2月23日、12版、9面。(яп.)
- ↑ 「時代を駆ける：岩田守弘：MORIHIRO IWATA (2)」 『毎日新聞』 2010年2月16日、13版、11面。(яп.)
- ↑ ボリショイ岩田さん引退へ 唯一の日本人ソリスト Архивировалһан 9 арба һара 2011 оной. 産経新聞 2011年10月8日閲覧 (яп.)
- ↑ 岩田さんボリショイに別れ 退団公演「１７年間幸せ」 共同通信 2012年7月18日閲覧 (яп.)
- ↑ "バレエの岩田守弘さん、ロシア国立劇場の芸術監督に", 朝日新聞, 2012-09-06. 2012-09-06-нд авсан. [permanent dead link] (яп.)