Цзинань

Сүлөөтэ Нэбтэрхэй Толи — Википеэдиһээ
Шууд ошохо: тамаралга, хайха
Цзинань хото
—  дэд-можын зэргэтэй хото  —
Цзинань хото
Дамин нуур
Шандун можодо Цзинань хото
Улас орон  БНХАУ
Можо Шандун можо
Можын хото Цзинань хото
Газар нютаг 8177 км²
Хүн зон (тоол.) 3 250 000 хүн (2010)
Сагай бүһэ Хитадай саг (НЗНС+8)
Сахим газар jinan.gov.cn (хитадаар)

Цзинань (хитад хилбар: 济南, уламж.: 濟南, пиньинь: Jǐnán), Зүүн Хитадта Шара мүрэнэй эрьедэ оршодог хото, Шаньдун можын засаг захиргаанай түб. Хүн зониинь 1,96 сая ажаһуугшад (2004), хотын захатай тоолобол 2,48 сая ажаһуугшад.

Томо тээбэриин уулзабари. Машина бүтээлгэ (автомашина бүтээлгэ, станок бүтээлгэ, түмэр замай, тоног түхеэрэмжэ түлөө нэхэмэлэй болон хүнэһэнэй ажаүйлэдбэриин), түмэрлиг. Томо резинын бүтээлэй үйлэдбэрилгын түб. Химиин, газар тоһоной химиин, саарһанай, нэхэмэлэй (энэ тоодо хибэсэй үйлэдбэрилгэ), хүнэһэнэй ажаүйлэдбэри. Ехэ һургуули болон ондоо дээдэ һургуулинууд.

Цзинань хото МЭҮ VIII зуун жэлдэ байгуулагдаһан болон Лу уласай (МЭҮ 750—450) хэһэг байһан юм. XII зуунһаа хойшо Шаньдун можын засаг захиргаанай түб байна. Хотын ажаүйлэдбэриин хүгжэлынь 1852 ондо Шара мүрэнэй һубаг хотын хажууда шудхаха эхилһэнэй һүүлдэ захалба. 1860-аад ондо Цзинаниие эсэргүүсэн бодоһон тайпингуудһаа хамгаалхын түлөө хотын тойрон бэхилэлтые баригдаһан байгаа. 1937—45 оной хоорондо хотые японой сэрэгүүдэй эзэлһэн.

Цзинань болон хотын тойрондо эртын сагай дурасхалнууд хадагалагдаба, эдэ дунда эгээн алдартай: уулын террасануудай һандархай үлэгдэл болон У уласай (МЭҮ VIII—V) үеын худаг, У Буддын шажанай сүмэ, Цинь (МЭҮ III зуун) болон Ци (МЭҮ V зуун) уласай үеын ханын хэһэг, Хань үеын үбгэдэй сүмэ — мүнөө үе болотор Хитадта хадагалагдаһан эгээн эртын барилга (МЭҮ I зуун). Цзинаниин хажууда Тайшань «арюун уула» байрлана.