Үржэн Гармаев

Сүлөөтэ Нэбтэрхэй Толи — Википеэдиһээ
Шууд ошохо: тамаралга, хайха
Уржин Гармаевич Гармаев
Гармын Үржэн
Уржин Гармаев.jpg
Ажал үйлэ:

Lieutenant General rank insignia (Manchukuo).png генерал-лейтенант

Түрэһэн үдэр:

1888 он

Түрэһэн газар:

Бооржын аймаг,
Ага тойрог

Наһа бараһан үдэр:

1947 оной 3 һарын 13

Наһа бараһан газар:

Буряад, Зүблэлтэ Холбоо

Гармын Үржэн (1888 — 1947 оной 3 һарын 13) — Буряад-Монгол арадай агуу ехэ жанжан, Япон эзэнтэ гүрэнэй Квантун армиин генерал-лейтенант юм. 1917-1923 оной Эрхэтэнэй дайнай ба Дэлхэйн II-р дайнай гэшүүн.

Үржэн Гармаев 1888 ондо мүнөөнэй Забайкалиин хизаарай Бооржын аймагай Тогоото һууринда түрэһэн юм. Шэтэдэ мэргэжэлэй һургуули дүүргээд, монгол, ород хэлэнүүдэй багшаар хүдэлбэ. Эрхэтэнэй дайнай үедэ атаман Семёновой штабта алба хэһэн байна. 1921 ондо бүлөөрөө Манжуур зугадаба. 1933 ондо Манжоу-Го уласай тогтоходо, полковник зэргэтэй боложо, буряадууд, монголшуудһаа бүридэһэн морин сэрэгэй хоёр полкые командалба. 1938 ондо Манжоу-Го уласай генерал-лейтенант болобо. 1945 оной 8 һарын 30-да, япон армиин бута сохюулһанай һүүлдэ, зүблэлтэ комендатурада бэеэ тушааба. 1947 оной 3 һарын 13-да шүүхын шиидхэбэреэр буудуулаа. 1992 ондо хэрэгынь сагааруулагдаһан байна. Үржэн Гармаевые НКВД-гэй агент байһан байжа болоо гэжэ баһа тухайлдаг. Санжидма басаганиинь мүнөө Буряадта ажаһуудаг, Дашанима хүбүүниинь – Улаан-Баатарта.