Бангкок

Бангкок хото
Бангкок хото
	— тусгаар засаг захиргаанай нютаг —
	Skyline of Бангкок хото
; Һүлдэ туг	; Һүлдэ тэмдэг
Улас орон	Тайланд
Тусгаар засаг захиргаанай нютаг	Бангкок
Газар нютаг	1568,737 км²
Хүн зон	2011 ондо 5 674 843 хүн
Нягтарал	3 617 хүн/км²
Нютагай олон	Бангкокойхид
Сахим газар	bangkok.go.th (ородоор)

Бангкок (тай. กรุงเทพฯ, Крунгтхеп^[1]), Тайландай ниислэл хото (1782 онһоо хойшо). 5 675 мянган хүн зонтой (2011). Менам-Чао-Прая мүрэнэй адагта байрладаг Тайланд гүрэнэй хамагай шухала далайн ба мүрэнэй боомто (30 сая тоннын ашаанай эрьелтэ). Олон уласай ниидэхэ онгосын буудал. Тутарга сэбэрлэхэ, модо хюрөөдэхэ, саарһанай, хүнгэн, цементын, газар тоһо болбосоруулха, химиин ажаүйлэдбэри, машина бүтээлгэ ба металл эдлэл үйлэдбэри; уран һайхан дархалалга. Дээдэ һургуулинууд. XVI зуунһаа хойшо мэдэгдэһэн. Чакри хаанай ордоной согсо (Махапрасат, XVIII - XX зуунай эхин); По (Четупон, XIX зуун), Раджабопит (XIX зуунай дунда), Бенчамабопит (1900) сүмэнүүд.

Түүхэ

Түрүүшынхиеэ Аюттая уласай үедэ Менам-Чао-Прая мүрэнэй адагта худалдаанай үртөө байдалаар байгуулһан болон 1768 ондо Аюттая улас мүхэһэнэй дараа шэнээр байгуулагдаһан Бангкок Тонбури уласай ниислэл болоо. Харин 1782 ондо ниислэл бирмашуудаар дээрэмэдүүлжэ тонуулһанай һүүлдэ голой нүгөө талада нүүлгэһэнэй һүүлдэ одоогой Раттанакосин хаанта улас байгуулагдаһан байна. Раттанакосин ниислэлые одоогоор албан ёһоор "Пра Накорн" гэдэг болоод энэнь урбанизациин түб хэһэгые элдхэнэ. Бангкок гэһэн нэрэнь XVIII зуунһаа бөөгнэрһэн, тусдаа ниитын захиргаа, захирагшатай хотын бүхэлиие хэлэдэг.

Хоёр зуун гаран жэлэй турша Бангкок Тайланд имагта бэшэ Зүүн-урда Азиин ехэнхи хэһэг болон Энэдхэгхитадай улас түрэ, ниигэм, эдэй засагай түб хэбээр байна. Соёл уралиг, улас түрэ, хубсаһанай загабари мода, болбосорол, үзэбэри үйлэшэлгэдэ үзүүлхэ нүлөөнүүд болон Азиин бизнес, санхүү, соёл уралигай түб байха ябадалынь Бангкокто дэлхэйн хото байха статус үгэбэ. Бангкокой Тайланд, Хитад, Энэдхэг, буддист, лалын, баруунай соёлнуудай ниилэмэл байдал болон Тайланд уласай эдэй засагай түб байдаг ябадал энэниие бизнес, туризмда таатай хото болгожо байна.

Засаг захиргаан

Бангкок өөрынгөө амбан сайдые һунгаха эрхэтэй хоер можонуудай нэгэн (ондоо можонь — Районг). 2004 оной һүүлшын амбан сайдай һунгуулида Апирак Косайотин илаһан байна.

Бангкок хото 50 хороондо («кхет» (เขท) гү али ондоо аймагта «ампхы» (อำเภอ) гэжэ нэрэтэй) хубаагдадаг; хороон бүри 154 «кхвэнг» (แขวง) дүүргэдэ хубаагдана.


№	Хороо	Талмай, км²	Хүн зон, хүн	№	Хороо	Талмай, км²	Хүн зон, хүн
1	Пхранакхон (Phra Nakhon District)	5,5	92 636	26	Динденг (Din Daeng District)	8,4	186 319
2	Дусит (Dusit District)	10,7	175 658	27	Буенгкум (Bueng Kum District)	24,3	138 340
3	Нонгчок (Nong Chok District)	236,3	117 385	28	Сатхон (Sathon District)	9,3	107 159
4	Банграк (Bang Rak District)	5,5	60 485	29	Бангсуэ (Bang Sue District)	11,5	180 598
5	Бангкхен (Bang Khen District)	42,1	177 062	30	Чатучак (Chatuchak District)	32,9	176 501
6	Бангкапи (Bang Kapi District)	28,5	147 694	31	Бангкхолем (Bang Kho Laem District)	10,9	106 499
7	Патхумван (Pathum Wan District)	8,4	97 533	32	Правеет (Prawet District)	52,5	134 189
8	Помпрапсаттрупхай (Pom Prap Sattru Phai District)	1,9	72 040	33	Кхлонгтей (Khlong Toei District)	13,0	159 527
9	Пхракханонг (Phra Khanong District)	14,0	98 957	34	Суанлуанг (Suan Luang District)	23,7	114 940
10	Минбури (Min Buri District)	63,7	115 212	35	Чомтхонг (Chom Thong District)	26,3	167 794
11	Латкрабанг (Lat Krabang District)	123,9	141 789	36	Донмуенг (Don Mueang District)	36,8	157 989
12	Яннава (Yan Nawa District)	16,7	88 986	37	Ратчатхеви (Ratchathewi District)	7,1	101 892
13	Сампхантхавонг (Samphanthawong District)	1,4	35 547	38	Латпхрао (Lat Phrao District)	21,5	119 838
14	Пхаятхай (Phaya Thai District)	9,6	90 557	39	Ваттхана (Watthana District)	12,6	82 582
15	Тхонбури (Thon Buri District)	8,6	175 768	40	Бангкхе (Bang Khae District)	44,5	186 744
16	Бангкок Яй (Bangkok Yai District)	6,2	85 075	41	Лакси (Lak Si District)	22,8	117 163
17	Хуайкхванг (Huai Khwang District)	15,0	90 185	42	Саймай (Sai Mai District)	44,6	161 749
18	Кхлонгсан (Khlong San District)	6,1	108426	43	Кханнаяо (Khan Na Yao District)	16,7	88 986
19	Талингчан (Taling Chan District)	29,5	105 202	44	Сапхансунг (Saphan Sung District)	28,1	81 784
20	Бангкок Ной (Bangkok Noi District)	11,9	152 867	45	Вангтхонгланг (Wang Thonglang District)	23,7	114 940
21	Бангкхунтхиан (Bang Khun Thian District)	120,7	127 697	46	Кхлонгсамва (Khlong Sam Wa District)	110,7	124 476
22	Пхасичарен (Phasi Charoen District)	17,8	137 473	47	Бангна (Bang Na District)	18,8	101 737
23	Нонгкхем (Nong Khaem District)	35,8	125 545	48	Тхавиваттхана (Thawi Watthana District)	50,2	61 177
24	Ратбурана (Rat Burana District)	15,8	95 041	49	Тхунгкхру (Thung Khru District)	30,7	104 827
25	Бангпхлат (Bang Phlat District)	11,4	116 271	50	Бангбон (Bang Bon District)	34,8	93 225