Амармаг юртэмсэ

Амармаг юртэмсэ (ᠠᠮᠠᠷᠮᠠᠭ ᠶᠢᠷᠲᠢᠨᠴᠦ, самгардяар कामधातु, түбэдөөр འདོད་པའི་ཁམས་) — Буддын шажанай ном һударта заагдадаг үнгэтэ, үнгэгүй юртэмсэтэй хамта сансарын гурбан ороной нэгэн. Тус хүсэл орондо амидарагшад хоол бариха, хурисалда дашуурха мэтээр хабархажа, табан хүсэлэй эрдэмы эдлэдэг. Хүсэл түгэлдэр амитадай оршодог хада тиигэжэ нэршэнхэй.

Амармаг юртэмсэдэ зургаан зүйл амитан (түбэдөөр འགྲོ་བ་རིགས་དྲུག་) ажамидарна:

• Гурбан һайн заяа (түбэдөөр འགྲོ་བ་བཟང་པོ་)
  • Тэнгэриин орон (ᠲᠩᠷᠢ, самгардяар देव, түбэдөөр ལྷ་)
  • Асуриин орон (ᠠᠰᠤᠷᠢ, самгардяар असुर, түбэдөөр ལྷ་མིན་)
  • Хүнэй орон (ᠬᠦᠮᠦᠨ, самгардяар मानुष्य, түбэдөөр མི་)
• Гурбан муу заяа (түбэдөөр ངན་འགྲོ་)
  • Адууһанай орон (ᠠᠳᠤᠭᠤᠰᠤ, самгардяар तिर्यक्, түбэдөөр དུད་འགྲོ་)
  • Бирэдэй орон (ᠪᠢᠷᠢᠳ, самгардяар प्रेत, түбэдөөр ཡི་དྭགས་)
  • Тамын орон (ᠲᠠᠮᠤ, самгардяар नरक, түбэдөөр དམྱལ་བ་)