Марко Поло

Сүлөөтэ Нэбтэрхэй Толи — Википеэдиһээ
Шууд ошохо: тамаралга, хайха
Марко Поло
Marco Polo
Marco Polo Mosaic from Palazzo Tursi.jpg
Ажал үйлэ:

аялагша

Түрэһэн үдэр:

1254 оной 9 һарын 15[1]

Түрэһэн газар:

Венеци

Уласай эрхэтэн / Подданство:

Flag of Most Serene Republic of Venice.svg Венецианская республика[d]

Наһа бараһан үдэр:

1324 оной 1 һарын 16[2][3] (69 наһатай)

Наһа бараһан газар:

Венеци

Марко Поло (итал. Marco Polo, 1257 — 1324 оной 1 һарын 8), Итали уласай Венеци хотын хүпеэс ба аялагша, наймааша Николай Пологой хүбүүн. Тэрэ өөрын эсэгэ Николай, абга аха Матвей хоерой хамта 1269 ондо Акко (Хойто Палестинэ) хотоһоо гараад, Ойрохи Дурна, дунда ба түб Ази, урда ба баруун урда Азиин олон улас ороноор аялан ябажа, өөрын үзэһэн хараһан бүхэнээ нэгэдхэн 1298 ондо «Оршолонгой элдэб һонин» нэрэтэй ном бэшэһэниинь тэрэ үедээ шэнэ нээлтэ болоһон үйлэ ябадал болобо. Илангаяа тэрэ Ехэ Хаан Хубилайн ойродо 1272—1289 он хүрэтэр 17 жэл алба хаажа, тэрэнэй элшэн түлөөлэгшээр Юань уласай олон можо уласта зарагдан ябахадаа, тэдэ нютагай хүн арадай нютагшал, ажа байдал, зан һуртахуун, шажан шүтэлгын тухай тодорхой тэмдэглэжэ тус номдоо бэшэһэниинь газар зүй, түүхэ шудалал, угсаатанай зүйн ухаанай шудалгын шухала материал боложо, мүнөө хүрэтэр эрдэмтэд шудалагшад уншагша олон түмэнэй анхааралые татажа байна.

Марко Поло «Оршолонгой элдэб һонин» номоо, тэрэ үедэ бүгэдэ найрамдаха засагтай байһан Венеци, Генуя хоёр хото уласай хоорондо болоһон тэмсэлэй үеэр баригдажа, Генуя хотын шорон түрмэдэ һуужа байхадаа нэгэн таһалгада хамта хоригдожо байһан итали гаралтай Рустичанодо хэлэжэ бэшүүлһэн гэнэ. 1298 ондо Марко Поло түрмэһөө сүлөөлэгдэжэ, 1299 ондо бусажа түрэлхи Венеци хотодоо ерээд дунда зэргын амидаралтай ажа һуугаад 1324 ондо наһа бараа. Марко Поло тус номоо өөрөө шууд найруулан бэшээгүй, Рустичанодо францяар дуудажа бэшүүлһэн тула зарим газарта удха һанаа үгэ хэлэлгэнь дабтагдаһан байна.

Холбооһон[заһабарилха | үндэһэн бэшэгые заһабарилха]

  1. Marco Polo // Encyclopédie Larousse en ligne
  2. http://www.treccani.it/enciclopedia/marco-polo_%28Enciclopedia_Italiana%29/
  3. Encyclopædia Britannica