Фрида Кало

Сүлөөтэ Нэбтэрхэй Толи — Википеэдиһээ
Перейти к навигации Перейти к поиску
Фрида Кало
Frida Kahlo
portrait
Фрида Кало, 1932 он
Ажал үйлэ:

зурааша

Түрэһэн үдэр:

1907 оной 7 һарын 6(1907-07-06)[1][2][3]

Түрэһэн газар:

Койоакан, Мехико хотын оршон тойрон

Эрхэтэнэй харьяалал:

Flag of Mexico (1934-1968).svg Мексико

Наһа бараһан үдэр:

1954 оной 7 һарын 13(1954-07-13)[1][2][3] (47 наһатай)

Наһа бараһан газар:

Койоакан, Мехико

Гарай үзэг:

Frida Kahlo signature firma.svg

Магдалена Кармен Фрида Кало Кальдерон (испаняар Magdalena Carmen Frida Kahlo y Calderón; 1907.07.06 – 1954.07.13), Фрида Кало нэрээрээ алдаршаһан Мексикын зурааша юм. Фрида Мексикые баялиг үб соёлые хурса тодо үнгээр реализм, символизм, сюрреализм зэргын али али ашаглан зурадаг байгаа.

Фрида Мексикын Мехико хотын хаяанда оршохо Койоакан нэрэтэй бишыхан тосхондо түрөө. 18 наһандаа автоавари орожо хүндээр гэмтэһэн болон энэһээ боложо амидаралайнгаа туршада ниитэдээ 35 удаа хагалгаанда ороо. Авариин дараагаар тэрэ зурагаар оролдохо боложо, өөрын үбшэн шаналал, бүтэлгүй гэрлэлтэ, тоо томшогүй олон хагалгаа зэргэ өөртэ тохёолдоһон ябадалые зурагаар элирхылхэ болоо. Тэрэнэй зураһан ниитэ 143 зураг байдагһаа 55-да өөрыгөө дүрсэлһэн байдаг. Залуу уран бүтээлшын хубяар Фрида тухайн үеын алдартай зурааша Диего Ривератай заабари, зүблэнөө хүсэжэ ошон танилсаһан болон 20 наһанай илгаа үл хайхаран 1929 ондо тэрэнтэй гэрлэбэ. Тэдэнэй гэр бүлын амидарал тогтоборитой байһангүй, һалаһаншье 1940 ондо дахин гэрлэһэн. 1939 ондо Фрида Париста зурагай үзэсхэлэнгээ гаргаха үеэр Луврын музейһөө тэрэнэй Жааз гэһэн зурагые худалдажа абаһаниинь Луврын музейн хубида XX зуунай Мексикын уран бүтээлшын бүтээлые худалдажа абаһан түрүүшын тохёолдол байгаа.

Кало 1954 ондо удаан хугасаагаар үбдэлжэ шаналһанай эсэстэ наһа бараһан.

Хэдыгээр Фрида абьяаслиг зурааша байһаншье уран бүтээлшэ гэхэһээн үлүүтэйгөөр алдартай зурааша Диего Риверагай эхэнэр гэдэгээрээ олондо танигдаһан байһан ба 1980-аад онһоо тэрэниие уран бүтээлшэ гэдэгээр олон ниитэ үлүү һонирхохо болобо. Тэрэнэй Мехико хотын хаяанда Койоаканда оршохо “сэнхир” байшан Диего Риверые 1957 ондо наһа бараһанай дараа Фрида Калогой гэр-музей болгоһон байна.

Зүүлтэ[заһабарилха | үндэһэн бэшэгые заһабарилха]

  1. 1,0 1,1 (unspecified title)
  2. 2,0 2,1 RKDartists
  3. 3,0 3,1 Internet Speculative Fiction Database — 1995.