Ухань

Сүлөөтэ Нэбтэрхэй Толи — Википеэдиһээ
Шууд ошохо: тамаралга, хайха
Ухань
—  дэд-можын зэргэтэй хото  —
Ухань хото
Хотын үзэмжэ
Хубэй можодо Ухань хото
Улас орон  БНХАУ
Можо Хубэй можо
Можын хото Ухань хото
Газар нютаг 8 494 км²
Хүн зон (тоол.) 10,22 сая хүн
Хотын дарга Жуань Чэнфа
Сагай бүһэ Хитадай саг (НЗНС+8)
Сахим газар www.wuhan.gov.cn (хитадаар)

Ухань (хитад хилбар: 武汉, уламж.: 武漢, пиньинь: Wǔhàn), Хитад Уласай Хубэй можын ниислэл болон Түб Хитадай эгээн ажаһуугшадай тоо ехэтэй хото юм. Мүн Хань (漢) гэжэ нэрлэнэ. Цзянхань тэгшэ газарай зүүн хэһэгтэ байрлаад, Хүхэ мүрэн болон Хань мүрэнэй нэгэдэн шудхадаг сэгтэ байрлана. Учан (武昌), Ханькоу (漢口) ба Ханьян (漢陽) гэһэн гурбан хотонууд нэгэдээд Ухань бии болобо. Ухань "юһэн можын зам" (九省通衢) гэһэн нэрээр мэдэгдэжэ байгаад олон түмэр зам, харгы ба шоссе дамжуулдаг шухала тээбэриин уулзабари мүн. 1927 ондо Ухань гээд нэрлэгдэжэ 9 100 000 (2006 он) хүн зонтой байгаад 6 100 000 хүн хотын газарта ажаһууна. 1920-ёод онуудта Чан Кайшидэ эсэргүүсэгщэ Ван Цзинвэйн Гоминьдангай ниислэл байгаад мүнөө үедэ Ухань Түб Хитадай улас түрын, эдэй засагай, санхүүгэй, соёлой, тээбэриин түб гэжэ хүлеэн зүбшөөрһэн байна.

Түүхэ[заһабарилха | үндэһэн бэшэгые заһабарилха]

Хуанпи дүүргэдэ хадгалагдаһан Паньлунчэн (盤龍城) гэһэн 3500 жэл үмэнэхи Шан уласай хотын үлэгдэл Хүхэ мүрэнэй ганса нэгэ Шан уласай үеын хотоор мэдэгдэжэ байна. Цинь уласай үедэ Наньцзюньтэ (南郡) агуулжа байгаад, Хань уласай үедэ Цзяньсяцзюнь (江夏郡) болобо. Цинь уласай үедэ Учанцзюнь (武昌郡) гэжэ дахин нэрлэгдэжэ Цзянься можодо засаг захиргаан бии болобо. Мүнөө үеын Учан юм. Тэрэ үедэ мүрэнэй хойто талада Ханьян байгаад, Хүхэ мүрэн дундуур урдадаг газар нютагые Эхир хэрэм (双城) гэжэ нэрлэбэ.

Мүн «Сань-го чжиин» (Гурбан уласай түүхэ) ёһоор, Сунь Цзянь үхэһэн газар юм.

Мин уласай үедэ Учан ба Ханьян хоёр нэрые һолижо Ухань гэжэ нэрлэжэ эхилэнхэй. Мүн Сякоучжэн (夏口鎭) ажаүйлэдбэриин хотоор бии болобо. Сякоу һүүлдэнь Ханькоу (漢口) гэжэ дахин нэрлэгдэбэ. Ханькоу 1858 ондо Тяньцзинь хэрээгээр нээгдэжэ, Франци, Германи, Орос, Япон залгамжа концесси бии болгобо.

Арадай Сүлөөлхэ арми Ханкоуе эзэлнэ, 1949 оной 5 һарын 16

Манжын гүрэнэй эсэс үедэ 1853 онһоо 1856 он хүрэтэр Тайпинь буһалгаашадта эсэргүү тэмсэл боложо, 1911 ондо бодоһон Учан буһалгаанай үрэ дүндэ Синьхай хубисхал нособо. 1926 оной 10 һарада, Үндэһэтэн-хубисхалта сэрэг Уханиие добтожо, Учангай, Ханькоугой засаг захиргаанай зүблэл, Ханьянгай засаг захиргаанай зүблэл байгуулба. 12 һарада Учан, Ханькоу, Ханьянгые нэгэдэжэ Ухань гэхые албан ёһоор шиидхэжэ, 1927 ондо Уханиие ниислэлээр хэһэн Гоминьдангай зүүнтэн Ван Цзинвэй засагай газарые (Ухань Үндэһэтэн засагай газар) байгуулһаншье һаа, Нанжингэй Чан Кайшиин дэглэмые эсэргүүсэжэ шадаагүй.

Засаг захиргаанай хубаари[заһабарилха | үндэһэн бэшэгые заһабарилха]

Дэд-можын зэргэтэй Ухань хото 13 дүүргэдэ хубаана:

Subdivisions of Wuhan-China.png Уханиин дүүргэ
Ухань хото   Хотын тойрон
Цзянъань дүүргэ 江岸区   Хуншань дүүргэ 洪山区
Цзянхань дүүргэ 江汉区   Цайдянь дүүргэ 蔡甸区
Цяокоу дүүргэ 硚口区   Дунсиху дүүргэ 东西湖区
Ханьян дүүргэ 汉阳区   Ханьнань дүүргэ 汉南区
Учан дүүргэ 武昌区   Цзянся дүүргэ 江夏区
Циншань дүүргэ 青山区   Хуанпи дүүргэ 黄陂区
  Синьчжоу дүүргэ 新洲区

Аха дүү хотонууд[заһабарилха | үндэһэн бэшэгые заһабарилха]

Зүүлтэ[заһабарилха | үндэһэн бэшэгые заһабарилха]