Германи
| Холбоото Бүгэдэ Найрамдаха Германи Улас  Bundesrepublik Deutschland
| ||||||
|
||||||
| Уряа: Einigkeit und Recht und Freiheit «Нэгэдэл ба Үнэн зүб ба Сүлөө» |
||||||
| Түрын дуулалай нэрэ: Германшуудай дуун Das Lied der Deutschen |
||||||
 |
||||||
| Ниислэл |  Берлин |
|||||
|---|---|---|---|---|---|---|
| Албан хэлэн | Германи | |||||
| Арад түмэн | 82% - Герман үндэһэтэн 7% - бусад Европынхон 11% - бусад арад түмэн |
|||||
| Түрэ засаг | Арадшалһан гурим, Холбоото байгууламжа, парламентын бүгэдэ найрамдаха засагтай |
|||||
| - | Холбооной юрэнхылэгшэ | Франк-Вальтер Штайнмайер | ||||
| - | Холбооной канцлер | Олаф Шольц | ||||
| Уласай хурал | германи Bundessammlung → «Холбооной суглаан» |
|||||
| - | Дээдэ танхим | германи Bundesrat → «Холбооной зүблэл» |
||||
| - | Доодо танхим | германи Bundestag → «Уласай хурал» |
||||
| Түүхэ | ||||||
| - | 962 он | Арюун Римэй эзэнтэ гүрэн | ||||
| - | 1871-01-18 | Германи эзэнтэ гүрэн | ||||
| - | 1990-10-03 | Хоёр Германи эргэн нэгдэһэн | ||||
| Дэбиcхэр газар | ||||||
| - | Бүхэлидөө | 357,021 км2 | ||||
| - | Уһанай процент (%) | 2.416 % | ||||
| Хүн зон | ||||||
| - | Тоосоо (Загбар:Date) | 83,155,000 (15) | ||||
| ДНБ (ХАШТ) | 2011 оной тоосоо | |||||
| - | Бүгэдэ | $3.089 их наяд[1] (5) | ||||
| - | Нэгэ хүндэ | $37,935[1] (18) | ||||
| ДНБ (Нэрлэһэн) | 2011 оной тоосоо | |||||
| - | Бүгэдэ | $3.628 ехэ наяд[1] | ||||
| - | Нэгэ хүндэ | $44,555[1] (19) | ||||
| ОТББЭ (2006) | 27 (бага) | |||||
| ХХИ (2010) |  0.885[2] (10) (дээдэ) |
|||||
| Мүнгэн тэмдэгтэ | Евро (EUR) | |||||
| Сагай бүһэ | +1 | |||||
| Интернет домэйн | .de | |||||
| Телефоной код | +49 | |||||
Германи (герман: Deutschland), албан ёһоор Холбоото Бүгэдэ Найрамдаха Германи Улас (герман: Bundesrepublik Deutschland) түб Европын улас юм. Хойто талаараа Дани, зүүн талаараа Польшо, Чехи, урда талаараа Австри, Швейцари, баруун талаараа Франци, Люксембург, Бельги, Нидерланд уласуудтай хиллэдэг. Мүн баруун хойто талада Хойто тэнгис, зүүн хойто талада Балтиин тэнгис оршодог. Германи 357,021 км² нютаг дэбисхэртэй болоод шэрүүн уларилтай. Хүн зонойнгоо тооноор Европын Холбооной гэшүүд дотор түрүүлдэг, мүн гадаада оршон һуугшадаараа дэлхэйдэ гурбан ороно.
Германиин гүйсэдхэхэ дээдэ байгуулга болбол Холбооной Засагай газар (Bundesregierung) юм. Тэрэнэй үндэһэн үүргэнь уласайнгаа улас түрын ударидалгые хэрэгжүүлхэдэ оршоно. Засагай газарай Канцлер (Bundeskanzler) ударидана. Германиин шүүхын тогтолсонь бусад уласуудай шүүхын тогтолсоһоо илгарха тусхай онсолигтой. Ехэнхи уласуудта шүүхын тогтолсо дангаараа түрүүлдэг аад, Германида дээдэ шүүхын үүргые холбооной шүүхын танхим, захиргаанай хэрэгэй шүүхэ газар, хүдэлмэриин шүүхэ газар, ниигэмэй шүүхэ газар гэжэ 5 дээдэ шүүхэ газарнууд тус тусайнгаа хүреэндэ хэрэгжүүлдэг, эдэ дээдэ шүүхэ газарнуудай ниилбэрииень шүүхын сенат гэжэ нэрлэдэг.
Германи хадаа Европын Холбооной үндэһэлэгшэ гэшүүн болоод, НАТО сэрэгэй альянсын, «Ехэ долооной» гэшүүн мүн.
Газар зүй
[Заһаха | үндэһэн бэшэгые заһабарилха]
Германи Европын зүрхэн хэһэгтэ байрлана. Юһэн хүршэ улас хилэ нэгэтэй: хойто зүгтээ Данитай, баруун зүгтээ Нидерланд, Бельги, Люксембург, Францитай, урда зүгтээ Швейцари ба Австритай болон зүүн зүгтээ Польшо ба Чехитэй хилэлдэг. 1990 оной 10 һарын 3-да дахин нэгэдэһэн үдэрэй һүүлдэ Германиин түб байрлалга үлүү элирүүлэгдэнэ. Германиин талмайнь 357 000 км² тухай. Хойто зүгһөө урда зүг тээшэ эгээн утань 876 км, баруун зүгһөө зүүн зүг тээшэ 640 км юм. Эгээн гадаада хилын сэгынь хойто зүгтэ Зильт арал, зүүн зүгтэ Саксониин Найсеауэ, урда зүгтэ Бавариин Оберстдорф болон баруун зүгтэ Зельфкант (Хойто Райн-Вестфали) юм.
Германиин хилэнь ниитэдэ 3758 км утатай. Германида 81,8 сая шахуу ажаһуугшадтай. Германи хадаа Оросой һүүлдэ Европын олон хүн зонтой улас.
Газарай хэлбэри
[Заһаха | үндэһэн бэшэгые заһабарилха]Германиин хойто хэһэгынь мүльһэн галабта бии болоһон набтар тэгшэ газар юм (Хойто-Германиин набтар газар, эгээн набтар сэгынь — Вильстермаршынхи Нойендорф-Саксенбанде, далайн түбшэнһөө доошо 3,54 м). Гүрэнэй түб хэһэгтэ урда талаһаа ойтой уулархаг газар аад, урдада Альпа шэлэ нюруу үргэлжэлнэ (Германиин нютаг дэбисхэр соо эгээн үндэр сэг — Цугшпитце уула, 2 962 метр үндэр).
Уһан зүй
[Заһаха | үндэһэн бэшэгые заһабарилха]Германиин дэбисхэр нютагаар олон гол мүрэнүүд урдана, эдэ дунда эгээн томонь Райн, Дунай, Эльба, Везер ба Одер. Гол мүрэнүүд һубагаар холбоогдоно, хамагай алдартайнь — Балтын ба Хойто тэнгисые нэгэдүүлдэг Килиин һубаг. Килиин һубаг Килиин буланда эхилээд Эльба мүрэнэй адагта шудхана. Германиин эгээн томо нуур озеро — 540 км² талмайтай 250 метр гүнзэгы Боден нуур.
Түүхэ
[Заһаха | үндэһэн бэшэгые заһабарилха]Дунда зуун
[Заһаха | үндэһэн бэшэгые заһабарилха]
МЭҮ IV зуун жэлһээ хойшо герман угсаатан Германиин нютаг дэбисхэртэ ажаһууна. VI–VIII зуун жэлдэ алеманнуудай, баварнуудай, тюрингүүдэй, саксуудай гэхэ мэтэ герман угсаанууд Франкын уласай бүридэлдэ оробо. IX зуун жэлдэ Каролингын гүрэнэй унаһаар герман орон нютагууд уласай талаар амяарлажа, олон тооной гүнлигүүд бии болобо. Франкын гүрэнэй хубаалгын үрэ дүндэ (843 он) Зүүн-Франкын улас бии болоод, энэнэй тулгуури дээрэ X зуунда Германи хаанта улас бии болобо. 962 ондо I Оттон хаан Хойто ба Түб Италиие туйлажа эзэлһээр Арюун Римэй эзэнтэ гүрэн байгуулагдаба (1806 ондо Наполеоной усадхагдаһан). X-XV зуун жэлдэ балтын ба славян угсаатан ажаһууһан газарнууд Германиин бүридэлдэ оробо. Арюун Римэй эзэнтэ гүрэндэ сүлөөтэ хотонууд шухала үүргэ гүйсэдхэбэ (XV зуунай һүүлээр 80 үлүү байгаа).
Шэнэ үе
[Заһаха | үндэһэн бэшэгые заһабарилха]1530 ондо Австри ехэ гүнлиг, Богеми, Испани, Унгар хаанта уласууд, Нидерланд, Миланай ба Бургунди гүнлиг Арюун Римэй эзэн хаан болоһон V Карлай мэдэл доро оробо. Һабсбургтан обог Европын хахадые ноёрхобо.
1517 ондо Протестант шэнэшлэл эхилжэ, 1524-26 оной Таряашадай дайн ушаруулба. Германи католик ба протестант гүнлигүүдтэ хахараа. 1618-48 оной Гушан жэлэй дайн Германиин децентрализациие бэхижүүлбэ. XVIII зуун жэлдэ Прусси Австриһаа Силезиие, Польшоһоо Баруун Прусси ба Познаниие эзэлжэ, агуу гүрэнөөр өөдэлбэ.
Францида эсэргүү дайнда Германиин гүнлигүүд I Наполеоной буталагдаһан, Арюун Римэй эзэнтэ гүрэн усадхажа тэрэнэй орондоо Райнай холбоое байгуулба. 1814-1815 оной Венын ехэ хуралай шиидхэбэриин ёһоор, 1815 ондо 38 герман уласууд Германиин холбоо (Deutscher Bund) байгуулба. Германиин холбоое Австриин эзэнтэ гүрэнэй кайзер байһан Холбооной юрэнхылэгшэ ударидагша байгаад, Бундестаг (Bundestag, Холбооной хурал) газар нютагуудые түлөөгдэбэ. 1848-49 ондо нэгэдэлгын түлөө буржуазиин-арадшалһан хубисхал болоһоншье һаа, илагдаһан байгаа. Тэрэнэй һүүлээр Австри ба Прусси хоорондо Германиин нэгэдэхын түлөө тэмсэл түрөө.
Бисмарк Пруссин эзэрхэг түримхэй тулгуури дээрэ Австригүйгөөр Бага Германиие (Kleindeutschland) нэгэдхэбэ. Тэрэнэй шатанууд: 1864 оной Дани-Пруссиин дайн илажа гараһанай һүүлээр 1866 оной Австри-Пруссиин дайнай үрэ дүндэ Хойто-Германиин холбоо (Norddeutscher Bund) бии болоод (1867 он), 1870-1871 оной Франци-Пруссиин дайнай һүүлдэ Эльзас ба Лотаринги эзэлжэ абаад Версаль ордондо Германиин эзэнтэ гүрэниие тунхаглагдаба (Deutsches Reich, 1871 он). 1884–1885 оной хоорондо Германи Африка болон Океанида харьяатан оронуудые тогтобо.
XX зуун жэл
[Заһаха | үндэһэн бэшэгые заһабарилха]
1914 ондо Германи Дэлхэйн нэгэдүгээр дайнда орожо, Германи ба Австриин сэрэгэй блок илагдаба. 1918 оной Ноябриин хубисхалай дүндэ хаанта засаг унажа бүгэдэ найрамдаха засаг мандаба (Ваймарай бүгэдэ найрамдаха улас). Версалиин хэрээгэй ёһоор Германиин тала дайнай бүхы харюусалгые хүлеэжэ, зэбсэггүй орон болохо, тодорхой оронуудта репараци үгэхэ зэргэ заалтанууд ороһон болон Германи уласай түлэхэ ёһотой репарациин ниитэ хэмжээ 1921 ондо 132 тэрбум марка (31,5 тэрбум ам. доллар) байгаа. Гэхыдээ Германи уласые һуларуулжа, сэрэг зэбсэгэй хубида аюулгүй болгохо оролдолгонь бүтээгүй. 1930-аад ондо Германи улас Версалиин хэрээнһээ гараа.
1933 ондо Адольф Һитлерэй ударидаһан нацистууд эрхые абажа, дахин дэлхэйн хэмжээнэй дайн эхилүүлһэн бэлэй. Дэлхэйн хоёрдугаар дайнай һүүлдэ Германи зүблэлтын, америкын, англиин ба франциин дүрбэн эзэмдэлгын бүһэ нютагуудта хубаагдаба. 1949 оной 5 һарын 23-да америкын, англиин ба франциин эзэмдэлгын бүһэ нютагуудһаа Бонн ниислэлтэйгээр Холбооной Бүгэдэ Найрамдаха Германи Улас (Bundesrepublik Deutschland) байгуулагдаба. 1949 оной 10 һарын 7-до зүблэлтын бүһэ нютаг Бүгэдэ Найрамдаха Арадшалһан Германи Улас (Deutsche Demokratische Republik) бии болобо.
1989 ондо Берлинэй хана унаба. Хоёр улас 1990 оной 10 һарын 3-да нэгэдээ. Нэгэдэһэн Германиин ниислэлые Берлин руу нүүбэ. 1957 ондо Баруун Германи Европын эблэлые байгуулһан оронуудай нэгэ болоод, энэ байгуулга 1993 ондо Европын Холбоо болоһон байна. Германи Шенгенэй бүһэдэ ороһон болон 1999 ондо Еврое мүнгэн тэмдэгтээ болгоһон.
Улас оронууд
[Заһаха | үндэһэн бэшэгые заһабарилха]
Германи улас «газар нютаг» гэжэ удхатай германяар Länder гэжэ нэрэтэй холбооной 16 можоһоо бүридэнэ. Тус бүридөө үндэһэн хуулита, өөртөө засаха эрхэтэй тула заримдаа можо улас гэжэ баһа нэрлэдэг. Эдэһээ Бавари, Саксони, Тюринги гурбаниинь албан ёһоор "сүлөөтэ улас" гэгдэдэг аад, Берлин, Бремен, Һамбург гурбан хотонь можын зэргэлэлтэй болоһон тула хото улас гэжэ хэлэгдэдэг.
| Можо | Ниислэл | Нютаг дэбисхэр (км²) | Хүн зон |
|---|---|---|---|
| Баден-Вюртемберг | Штутгарт | 35,752 | 10,717,000 |
| Бавари | Мюнхен | 70,549 | 12,444,000 |
| Берлин | Берлин | 892 | 3,400,000 |
| Бранденбург | Потсдам | 29,477 | 2,568,000 |
| Бремен | Бремен | 404 | 663,000 |
| Доодо Саксони | Һанновер | 47,618 | 8,001,000 |
| Мекленбург-Урда Поммерани | Шверин | 23,174 | 1,720,000 |
| Райн-Пфальц | Майнц | 19,847 | 4,061,000 |
| Заар | Заарбрюккен | 2,569 | 1,056,000 |
| Саксони | Дрезден | 18,416 | 4,296,000 |
| Саксон-Анхальт | Магдебург | 20,445 | 2,494,000 |
| Тюринги | Эрфурт | 16,172 | 2,355,000 |
| Һамбург | Һамбург | 755 | 1,735,000 |
| Һессен | Висбаден | 21,115 | 6,098,000 |
| Хойто Райн-Вестфали | Дюссельдорф | 34,043 | 18,075,000 |
| Шлезвиг-Һольштайн | Киль | 15,763 | 2,829,000 |
.svg)
.svg){kind=small}
.svg){kind=small}
Гол хотонууд
[Заһаха | үндэһэн бэшэгые заһабарилха] Берлин  Һамбург  Мюнхен  Кёльн |
Дугаар | Хото | Газар можо | Хүн зон[3] |  Майндахи Франкфурт  Штутгарт  Дюссельдорф  Дортмунд |
|---|---|---|---|---|---|
| 1 | Берлин | Берлин | 3,326,002 | ||
| 2 | Һамбург | Һамбург | 1,718,187 | ||
| 3 | Мюнхен | Бавари | 1,364,920 | ||
| 4 | Кёльн | Хойто Райн-Вестфали | 1,013,665 | ||
| 5 | Майндахи Франкфурт | Һессен | 676,533 | ||
| 6 | Штутгарт | Баден-Вюртемберг | 591,015 | ||
| 7 | Дюссельдорф | Хойто Райн-Вестфали | 589,649 | ||
| 8 | Дортмунд | Хойто Райн-Вестфали | 571,403 | ||
| 9 | Эссен | Хойто Райн-Вестфали | 565,900 | ||
| 10 | Бремен | Бремен | 544,043 | ||
| 11 | Дрезден | Саксони | 517,765 | ||
| 12 | Лейпциг | Саксони | 510,043 | ||
| 13 | Һанновер | Доодо Саксони | 509,485 | ||
| 14 | Нюрнберг | Бавари | 490,085 | ||
| 15 | Дуйсбург | Хойто Райн-Вестфали | 487,470 | ||
| 16 | Бохум | Хойто Райн-Вестфали | 362,585 | ||
| 17 | Вупперталь | Хойто Райн-Вестфали | 342,570 | ||
| 18 | Билефельд | Хойто Райн-Вестфали | 327,199 | ||
| 19 | Бонн | Хойто Райн-Вестфали | 307,530 | ||
| 20 | Мюнстер | Хойто Райн-Вестфали | 293,323 |
Зурагай сомог
[Заһаха | үндэһэн бэшэгые заһабарилха]-
-
Хаанай Хоэншвангау хэрэм (Бавари) -
Хаанай Нойшванштайн хэрэм (Бавари) -
-
-
-
-
-
-
Кёльной собор, Кёльн Хойто Райн — Вестфали -
-
-
-
-
Франкфурт-ам-Майнын хотын түб -
Лорелей хапсагай Сант Гоарсһаузенэй хажууда, Райнланд-Пфальц -
Германи углуу, саанань Эрэнбрайтштайн хэрэм, Кобленц (Райнланд-Пфальц) -
Илалтын колонно Ехэ Мушэн гэжэ талмай дээрэ, (Берлин) -
-
-
Собор Альтер Маркт соо Потсдам -
-
-
Хурдан поезд ICE соо Кёльн гарал
Холбооһон
[Заһаха | үндэһэн бэшэгые заһабарилха]- Москвада Германиин элшэн сайдай яаман (герм)
- Холбооной Засагай Газар (герм)
- Бундестаг (герм)
- Deutschland.de – Official Germany portal (non-profit)
- Германиин Канцлерэй албан ёһоной сайт (герм)
- Chief of State and Cabinet Members Архивировалһан 12 зургаа һара 2007 оной. (англ)
- Germany entry at Encyclopedia Britannica (англ)
- Germany Архивировалһан 21 хоёр һара 2009 оной. at UCB Libraries GovPubs (англ)
- Facts about Germany – by the German Federal Foreign Office (герм)
- Destatis.de – Federal Statistical Office Germany (герм)
Зүүлтэ
[Заһаха | үндэһэн бэшэгые заһабарилха]- ↑ 1,0 1,1 1,2 1,3 World Economic Outlook Database. International Monetary Fund (April 2011). 26 April 2011 үдэртэ хандаһан.
- ↑ Human development index. United Nations Development Programme (2010). 18 March 2011 үдэртэ хандаһан.
- ↑ https://www.destatis.de/DE/ZahlenFakten/LaenderRegionen/Regionales/Gemeindeverzeichnis/Administrativ/Aktuell/Zensus_Gemeinden.xls;jsessionid=E514CCE99993ECC0A7A8AAACFDDDB0CA.cae2?__blob=publicationFile
| Ехэ Найман | ||
·  Франци ·  Итали · .svg){kind=small} Канада ·  Германи ·  Америкын Нэгэдэһэн Улас · .svg){kind=small} Ехэ Британи ·  Япон ·  Орос | ||
| Европо | ||
 | Австри · Азербайджан · Албани · Андорра · Беларусь · Бельги · Болгари · Босни ба Герцеговина · Ватикан · Германи · Греци · Гүржи · Дани · Ирланд · Исланд · Испани · Итали · Казахстан · Кипр · Оросой холбоото улас · Латви · Литва · Лихтенштейн · Люксембург · Мальта · Молдави · Монако · Нидерланд · Норвеги · Нэгэдэһэн Хаанта Улас · Польшо · Португал · Румыни · Сан-Марино · Серби · Словак · Словен · Турк · Унгар · Украина · Финланд · Франци · Хойто Македони · Хорвати · Черногори · Чехи · Швейцари · Швеци · Эстони | |
- Formatnum гэһэн тоогүй үндэһэн баримтатануудтай хуудаһанууд
- Герман-хэлээр бэшэг бии хуудаһан
- Германи
- Түб Европын уласууд
- Европын уласууд
- Холбооной бүгэдэ найрамдаха улас
- Ехэ Долооной уласууд
- Ехэ Хориной уласууд
- Германи хэлээр хэлэлсэдэг уласууд ба газар нютагууд
- НАТО-гай гэшүүн уласууд
- Европын Зүблэлэй гэшүүн уласууд
- Европын Холбооной гэшүүн уласууд
- НҮБ-эй гэшүүн уласууд
- 1871 ондо байгуулагдаhан улас ба газар нютаг
- 1949 ондо байгуулагдаhан улас ба газар нютаг
- 1990 ондо байгуулагдаhан улас ба газар нютаг
- Баруун Европын уласууд